कुठली भाजी करू ?

कुठली भाजी करू ?

(पेपर बाजूला करत).. अ‍ऽऽऽऽऽ.. फणसाची कर

फणस नाही आहे.

मग भेंडीची कर

भेंडी पण नाही आहेत..

मग काय आहे ?

कोबी आहे...

आणखी काय आहे ?

बटाटे आहेत.. पण बटाट्याची भाजी कालच झाली

मग कोबीची भाजी कर... (मला पेपर वाचू दे ! )

वरचा प्रकार जादुगाराच्या खेळा सारखा नाही वाटत ?

जादुगार जादुची छडी, त्याच्या उंच टोपीवरून फिरवत मुलांना विचारतो... ह्या टोपीतून कुठला प्राणी काढू ? ... आता खरंतर त्या टोपीत फक्त ससाच असतो.. जादुगाराने टोपीतून हत्ती काढलेला मी तरी काही पाहिला नाही आहे ! मग त्यातले एखादे कार्टं "ससा " म्हणून ओरडतं, आणि तेवढच ऐकायला आतूर असलेले जादुगाराचे कान तृप्त होतात. आपण ह्या टोपीतून अख्खी राणीची बाग काढू शकतो असल्या ऐटीत जादुगार त्या टोपीतून ससा काढतो.

चार चौघात करायची ही जादु, बायका आपल्या एकट्या नवर्‍यावर का करतात... ते मात्र कळत नाही